موقع مجلة مولاة الدار لكل ما يهم المرأة العربية molatdar.ma
يقدم لك سيدتي: تحضير وجبة العشاء طاجين كفتة السردين
للأخت أمة الله
تحضير عشاء طاجين كفتة السردين
مقادير :
1 كيلو السردين منقي
1 بطاطا مسلوقة
مطيشة محكوكة
بصلة صغيرة محكوكة
ثومة مدقوقة مع لب حامض مصير
معدنوس وقزبر
م.ك عصير حامضة
معلقة كبيرة مطيشة الحك
زيت بلدية وشوية زيت المائدة
العطرية : سكنجبير+ملح+قزبر يابس+كمون+زعتر مطحون+خرقوم بلدي+فلفل حلو+فلفل حار
ورق سيدنا موسى
طريقة تحضير :
كطحني السردين مع البطاطا ممكن ضيفي الروز مسلوق
كتشرملي الكفتة بالعطرية وتعمليها في الثلاجة واحد الساعة
تعمليها كويرات ودوزيهم في الطحين
وتقليهم ماشي حتا يتحمرو غير يشدو راسهم وحيديهم
في الطاجين تتعملي البصلة تشحر مع الزيت ومليحة
وكتزيدي مطيشة وشوية الما الزيت البلدية والعطرية وباقي المكونات
تخليها طيب شوية
وتزيدي كويرات الكفتة
وتخليها طيب حتا تشحر
ملي طيب دوزي عليها واحد معلقة كبيرة زيت بلدية
وهاهو طاجين كفتة السردين واجد بالصحة والراحة.
زوارنا الكرام محبي موقع مولاة الدار لا تبخلوا علينا بتعليقاتكم, و مشاركة هذه الوصفة على صفحتنا في فيسبوك
