موقع مجلة مولاة الدار لكل ما يهم المرأة العربية molatdar.ma
يقدم لك سيدتي: لي بغات تغلاض و تولي فورمتها زوينة و تبياض و هادشي كولو فوقت وجيز
تتبع معايا تال الآخر و ديرو فيا الثقة و جربو و غادي تنباهرو بالنتائج و النتيجة تتبان دغيا.
المهم بالنسبة لزيادة الوزن شريو هادشي لي غادي نقول ليكوم شحال من وحدة تبعات شي وصفة و معطاتهاش النتائج حيث لي رقيقة تيخصوها بزاف تسعرت لحرارية و الأكلات الدسمة باش تغلاض للمهم تبعو معاي شريو :
1 – قرعة سيرو سبور داك لي تيدار فالحليب أما تاع الرمان أو ديال اللوز راه تيدير 340 ريال و خويو فيه 2 قراعي سيرو نورافيت هاد السيرو تيختلف على باقي السيروات حيث كولو فيتامينات و غادي يساعدنا (هاد السيروات تيفتحو الشهية و كولهوم فيتامينات و تيساعدو فتوسيع المعدة باش نتقبلو الاكل و تيقادو الفصالة و تيزيدو فالارداف)
2 – هادي هي المهمة شريو 2 علب ديال الحلاوة الطحينية راه تتباه فالمحلات وفمرجان قلبو عليها تتلقاوها هادي هي السر راه كل معلقة فيها ما يزيد عن 400 سعرة و متديروش السبة بالمذاق ديالها و فرتتوها و زيدو عليها 2 كيسان من هاد المكسررت مطحونين ( للوز – كاوكاو – صوجا – جنجلان – أكاجو و الحلبة الا بغيتي ) هاد الوصفة (معروفة بوصفة تكبير المؤخررة و الارداف و هي أسرع وصفة لزيادة الوزن الا تبعتيها تتزيدك فلحناك و تيوليو بحال الا ضاربا فيخوم الكولاجين و المؤخرة تاهيا و الصدر تتشدو و تتوقفو و الارداف تاهوما)
3 – شريو قرعة حبوب اللقاح (هادي مزيانة للوزن و طبيعية وتتصفي البشرة )
4 – 2 قراعي نوتيلا و على الاقل نصف كيلو الشريحة تتفوريها و تطحنيها و تخلطي معاها 2 كيسان كاوكاو و تخوي عليها 2 قراعي نوتيلا (هاد الوصفة طبيعية و ملي تتغلاضي متتعوديش تنقصي من بعد و مزيانة بزاف نوتيلا الا كليتيها غير بوحدا مع الخبز تتعطيك نتائج فما بالك الا خلطتيها مع الشريحة لي معروف عليها تتغلض تا هي )
5 – شريو قرعة كبيرة ديال ماء الورد و فاش تبغيو تشربوه ديرو 4 ملاعق كبار فكاس و زيدو عليه ماء العادي (هادي راائعة مزيانة للبشرة و تتورد الحناك والشفتين و تتزيد فالصدر و تتكبروا و تيوليو الثديين ديالك لونهم وردي )
6 – شريو هاد المكسرات و طحنوهوم مع بعضياتهوم على الاقل 300 ريال من كل حاجة ( الصوجا – جنجلان – كاجو – لوز – كاوكاو ) و سيريلاك و نيدو (المكسرات معروف عليهوم تيكبرو الصدر و المؤخرة و الوجه و تينفعوك فصحتك) هادشي بالنسبة لزيادة الوزن دابا غانعطيكوم وصفات أخرين و من بعد غانكتب ليكوم لبرنامج لي نمشيو عليه بالنسبة للدهن غاتشريو – زيت الحلبة – زيت الحمص – زيت جنين القمح – زيت الخرواع – و جمعوهوم فشي قرعة و زيدو عليهوم زيت العود كل زيت من هاد الزيوت معروف عليها تتكبر الصدر و الأرداف لمهم تتقاد ليك فصالتك شحال من وحدة تتقول ستعملت الزيوت و ماداروو ليا والو بينما خاصكي تستعمليهوم فاش تكوني متبعا شي نظام غذائي باش تعطيك نتيجة مهم النتيجة خليوها تال الآخر نتيجة راااائعة غاتحصلو عليها لا تبعتو هادشي لي تنقول ليكوم لمهم
دابا بالنسبة للتبييض جبت واحد الوصفة خطيييييرة تتختلف على كاع دوك الوصفات و تتبان النتيجة من 4 أيام أو على الأكثر أسبوع وإلا بقيتي مستمرة عليها غاتولي تتشعلي تتوحد اللون ديال الجسم ديالك و تتولي بيضة بزااف الوصفة هي : حك كريم جليسوليد الاحمر راه عند مول الماكياج الحك الكبير 20 درهم + عصير 4 ليمونات متوسطين + و كاس ديال زيت اللوز المر ماشي الحلو + و 2 أقراص ديال فيتامين C لي كلنا تنعرفوه لمهم تتدوبي فيتامين سي فالليمون و تتخلطي الكريم مع زيت اللوز و من بعد تتخلطي داكشي كولو و تيولي فحال كريم تتدهني بيه قبل ما تنعسي الجسم ديالك كولو متخلي تابلاصة من غير الوجه حيث معنديش عليه معلومات و شوفي النتيجة بعينيك و مخاصكيش تفوت عندك 10 أيام حيث فيها الليمون و حطيه فقرعة الزجاج
دابا البرنامج لي بغيتكوم تبعوه هو هذا لي بغات بصاح تغلاض تدير هادشي و لي مادارتوش هي ماباغش تغلاض و تزيان تيبان ليكوم هادشي كثيير ياك ؟ لكن خاصكوم تعرفو مغادي يدوزو شهرين تتحققوا الحلم ديالكوم و متبقاوش تضيعو غير الفلوس هاكاك فاش تشوفو النتيجة غادي تعرفو بان هادشي تيستحق لي خسرنا عليه و تتضربووو 100 عصفور بحجرة وحدة هههه
لنفرض تتفيقو مع 9 صباحا هههه مع 9 صباحا قبل الفطور ب 15 دقيقة 2 معالق لسيرو المخلط +لفطور مزيااااان حاجة لي درتو للفطور و زيدي على الشبعة فاش تحسي براسك شبعتي زيدي واحد 5 لقيمات منها تتوسع المعدة + 2 ملاعق كبار حلاوة طحينية + 2 ملاعق كبار نوتيلا و الشريحة مع 11 صباحا شدي زلافة ديري فيها 3 معالق كبار من مكسرات مخلطة و 2 معالق كبار سيريلاك و نص كاس نيدو و معلقة كبيرة حبوب اللقاح و ملي تساليه شربي كاس كبير ديال ماء ورد مخفف كيما قلت ليكوم و دهني الصدر و الارداف و المؤخررة بالزيوت لمدة 10 دقائق
و لنفرض تتغداي مع الوحدة غاتعاودي نفس هادشي لي درنا فالفطور من غير الزيوت متدهنيش بيهوم ههه حيث عرفتكوم معكازات
الساعة 3 زوالا تنعاودو نفس داكشي لي درنا مع 11 صباحا الساعة 5 نفس الشيء لي درنا فالفطور و لغذاء و تناكلو الكاسكروط تنتمنى تكونو فهمتو الساعة 7 تلعشية غاتديرو لي درنا مع 11 صباحا الساعة 9 نفس لي درنا فالفطور و لغداء و تنتعشاااااو مزياااان الساعة 11 نفس لي درنا مع 11 نهار و تندهنو تاني بالزيوت و فاش تبغي تنعسي دهني لجسم ديالك بداك الكريم لي قاديتي
هادشي غيجيكوم صعيب و معقد فلبداية و لكن مع مرور اليام غاتشوفو و غادي يجيكوم ساهل و ملي تبدا النتيجة تتبان غاتبداو تشجعو ريوسكوم بريوسكوم هههه لمههم مبغيت منكوم والو غير تستعملو هادددشي باش تغلاضو راه ممعقدش لهاد الدرجة جربي و شوفي. بغيت منكم دعوة الخير إنشاء الله بالولادة الميسورة إنشاء الله.
زوارنا الكرام محبي موقع مولاة الدار لا تبخلوا علينا بتعليقاتكم, و مشاركة هذه الوصفة على صفحتنا في فيسبوك
