مقرونية بالطون وصلصة البيشاميل لذيذة بالصور

موقع مجلة مولاة الدار لكل ما يهم المرأة العربية molatdar.ma
يقدم لك سيدتي: مقرونية بالطون وصلصة البيشاميل لذيذة بالصور

من الاخت اميرة بأخلاقي جزاها الله عنا كل خير

مقادير مقرونية بالطون وصلصلة البيشاميل

مقرونية اي شكل متوفر والكمية حسب الاشخاص

بصلة مشلضة

كورجيت محكوكة(الخضر حسب الرغبة ممكن نضيفو جزر محكوك ولا شومبينيو ولا فلفل…)

2  معالق طماطم مركزة

حك طون (ممكن نستعملو كفتة دجاج كروفيت وممكن بلاش)

ثوم محكوك

ملح

ابزار

رشيشة سكر

زيت

طريقة تحضير مقرونية بالطون وصلصة البيشاميل بالصور

اولا نديرو الماء يطيب مع شوية الملح ونردو لي باط يتسلقوو

وندوزو نوجد مقلاة نديرو زيت يسخن ونضيفو ليه بصلة مشلضة رقية ورشيشة ملح

ونخليوها تنزل مزيان

منين تنزل نزيدو ثوم وكورجييت محكوك

منين تنزل الكورجيت تنزيدو مطيشة الحك ونشحرو شوية حتا تطلع ريحة مطيشة عاد

نبدا نضيف الماء

من الاحسن الماء فاش صلقنا لي باط مع تيكون طالق فيه داك نشا تتعقاد لينا

لاصوص

عاد نضيفو ابزار وسنيدة وحك طون ونحركو ونضيفو لي باط لي صلقنا غير

مخاصناش نصلقوهم بزااف حيت مزال غادي يكملو طيابهم

وهنا منين حركنا كلشي وطفينا عليه

ندوزو للبيشاميل تندير معلقة كبيرة زبدة ونخليها ذوب عاد تنضيف ليها معلقة وشي

شوية تاع طحيين ونحاول نحرك شوية باش يطيب داك طحيين ونبدا نضيف فالحليب

شوية بشوية صراحة مكنعبرش شحال بالضبط المهم نحركو مزيااان باش ميتكورش

لينا ونزيدو ملح ابزار ورشيشة كوزة تتعطي مذاق لذييذ وهنا ضفت للبيشاميل معلقة

من الجبن اختياري اكييد

منين يطيب البيشاميل كنستفو لي باط فمول تاع الفرن ونكبو عليه البيشامييل ونحكو

شوية الفرماج فالاخيير

وندخلوه للفرن شي شوية غير يتكراتينا انا هنا مطولتش عليه كنت زربانة ههه

وهنا من الداخل تيجي لذييذ بزاف متشبعوش منو وتنفضلو حتى يبرد مممم

بالصحة والراحة

زوارنا الكرام محبي موقع مولاة الدار لا تبخلوا علينا بتعليقاتكم, و مشاركة هذه الوصفة على صفحتنا في فيسبوك

مقرونية بالكفتة، مقرونية بالطون، مقرونية بمطيشة، مقرونية شميشة رشيدة أمهاوش، بالطون مقرونية ، بالكفتة مقرونية ، مقرونية بالبيشاميل، مقرونية بالطماطم، بمطيشة مقرونية ، مقرونية بالكروفيت، مقرونية بالخضر، مكرونة في الفرن، مقرونية بالطون وصلصة البيشاميل مممم لذيذة بالصور