مرحبا بكم اخواتي ومبروك عواشركم و لله ادخل علينا رمضان بالصحة و السلامة والتقوى والايمان .
مقادير سلو :
3كيلو فورص محمر
كيلو ونص لوز مفسخ ومقلي نص مطحون ونص مهرمش ونخليو شي حبيبات لتزين اما لقشرا ديالو مانلوحوهاش نشفوها وندخلوها لفران غيرتكرم منطحنوها راه كتعطي مداق زوين فسلو
كيلو جنجلان محمر نص مطحون ونص صاين
نص كيلو كاوكاو مفسخ محمر ومطحون مزيان
2 معالق كبار نافع و حبة حلاوة مطحونين
2معالق كبار قرفة +كوزة محكوكة .قريصة ملح
نص كيلو سكر كلاصي+ قرععة لعسل زمزمي بنسبة لي فلمغرب
نص كيلو زبدا نخلطوها مع زيت لي قلينا فيها لوز + نص كاس ماء زهر
2معالق كاكاو مر.
دبا ندوزو لشباكية :
زلافة لوز محمر بقشور
زلافة جنجلان محمر غير شويا
2كيسان زبدا
كاس زيت لبلديا
كاس زيت رومية +نص قرعة ماء زهر نطحنو كلشي فمولينيكس مزيان
2معالق كبار قرفة +2معالق كبار نافع و حبة حلاوة مطحونين مزيان
شوية مسكا لحرة مدقوقا
كوزا محكوكا +2صفر لبيض +ملعقة صغيرة خميرة+خمارة لحلوى +كاس لخل
زلافة لماء+شعيرات زعفران لحر+خرقوم ملون +قريصا لملح لفورص حسب لخليط تقريبا 2كيلو
بوشنيخا كنحتاجو ليها :
كيلو لفورص
قرصة لملح
فاني+رابعة زبدة+قطرات من روح زهر تم نجمعو لعجينة بلحليب بارد تكون شوية قاسحة
واخيرا ساليت نتمنى يعجبوكم وسمحوليا مكنصورش لمراحل كلها حيت عندي تربيا وليداتي لكبار عطلة راكم عارفين لله يسمح لينا من لولدين . دعواتكم ليا بصلاح لوليداتي لله يجازيكم بلخير.
