الطورطة المحشوة من الذ وارقى الطورطات ،الطورطة المحشوة 2014،تورتة الشوكولاتة المحشية، منال العالم،طورطات راقية 2014،طورطات راقية 2015
السلام عليكم و رحمة الله
موقع مجلة مولاة الدار لكل ما يهم المرأة العربية molatdar.ma
يقدم لك سيدتي : الطورطة المحشوة من الذ وارقى الطورطات .
المقادير:
4 بيضات+كاس سنيدة+كاس حليب+كاس ماعامرش زيت
1فاني+3خمارات+2ساشي كاكاو ايديال او كاكاو مر
الدقيق عينيك ميزانك او ممكن ديرو اي كيكة شكلاط كتصدق ليكم
كنخلطو بحال الكيك العادي وكنزيد الطحين مع الخمارات مع الكاكاو مغربلين
وكنخلطو بالسبتول غير بشوية
كنخويو الخليط فمول دائري ودخلها للفرن مدة35د على درجة 180
ملي كطيب كنخرجها وكندير دائرة الوسط بلا مانوصل للحواشي
وكنخويها من الوسط بحال الصورة
كندوز للحشوة:نص لتر حليب+فلان بالشكلاط وفلان عادي+3معالق ك سكر+معلقة ك نسكافيه مدوبة
فشوية الماء+200غ قشدة طرية+نص داكشي اللي خوينا من الكيكة
كنصايبو الفلان عادي كندير الفتت اللي خوينا من الكيكة فكايس مولينكس
وكنزيد عليه الفلان+نسكافيه ونطحن مزيان راه دغيا كيتطحن
كنزيد القشدة الطرية وكنعود الطحين
كنخوي الخليط اللي طحنا وسط الكيكة وندخلها تبرد للثلاجة
ندوزو للتزيين انا درت هاد الطريقة ممكن ديري اي طريقة تبغيها
كندوب شكلاط اسود مع دانون مسوس ومعلقة زبدة وكندهن بيه الحواشي د الكيكة واللي بقى
كنزيدو على النص دالفتات اللي خوينا من الكيكة
ونعجنوه مزيان ونديرو بيه كويرات صغار
كندوزهم فالفرمسيل ونزوفق بيهم حواشي الكيكة
ودرت شوية الكركاع الوسط وكل انيقة تفنن كيف بغات
نتمنى تعجبكم وتجربوها لانها كتجي راقية فالشكل وحتى فالمذاق داك الخليط ملي كيبرد كيجي فحال لاموس
وبالصحة و الراحة
