طورطة غزالة و بنينة بموس البرتقال و الشكلاط،طورطة غزالة،طورطة بنينة،موس البرتقال،موس الشكلاط، طورطة بموس البرتقال،طورطة بموس الشكلاط،طورطة بموس البرتقال و الشكلاط،طورطة بموس البرتقال و الشكلاط 2014،torta bi mousse elborto9al،torta bi mousse choklat،tarte a la mousse d’orange et chocolat،طورطة موس البرتقال و الشكلاط
السلام عليكم و رحمة الله
موقع مجلة مولاة الدار لكل ما يهم المرأة العربية molatdar.ma
يقدم لك سيدتي : طورطة غزالة و بنينة بموس البرتقال و الشكلاط.
بالنسبة للكيك غدي نحتاجو :
4 بيضات
120 غ سكر
80 غ دقيق
20 غ مايزينا { نشا}
10 غ كاكاو
قبصة ملح
الطريقة :
1ـ نفرقو صفار على البياض ونضيفو لصفار سكر و نطربو مزيان حتى يبيض لون الخليط و نضيفو عليه الدقيق + نشا + كاكاو كلشي مغربل , نطربو بياض البيض حتى يولي فحال الثلج و نضيفوه على الخليط الاول و نخلطو الكل شويش بشويش وحنا كنحركو من تحت الفوق , نفرغو الخليط فمول مدهون بالزبدة و مرشوش بالدقيق و الى الفرن حتى يطيب و نخليوه على جنب يبرد .
مقادير موس البرتقال :
200 مل عصير البرتقال { تقريبا 2 برتقالات }
115 غ سكر
200 غ قشدة طرية
3 بيضات
28 غ سكر كلاصي
قشرة برتقالة محكوكة
6 اوراق جيلاتين { انا عوضتها ب 2اكياس جيلاتين بودرة }
2 ـ نسخنو عصير البرتقال مع القشرة حتى يبدا يغلى و نزولوه من فوق النار , نصفيوه و نخليوه يبرد شويش.
3 ـ ـ نفرقو صفار على البياض ونضيفو لصفار سكر و نطربو مزيان حتى يبيض لون الخليط و نحتفضو به على جنب .
4 ـ نطربو بياض البيض حتى يولي فحال الثلج { في منتصف التطراب نضيفو طريطقة ديال الملح } ونحتافضو به على جنب .
5 ـ نطربو القشدة الطرية مع سكر كلاصي حتى تولي شونتييه .
6 ـ من بعد ما برد شويش العصير نضيفو له الجيلاتين و نحركو بسرعة باش ما تكورش { الى ستعملتو اوراق الجيلاتين رطبوهوم فماء بارد من بعد ضيفوهوم على العصير الدافئ } .
7 ـ نضيفو العصير على اصفر ابيض و نخلطو مزيان ثم نبداو نضيفو ابيض ابيض و الشونتييه شويش بشويش و حنا كنحركو من تحت الفوق حتى تجانس جميع العناصر .
8 ـ ناخدو الكيك بعدما برد و نزولوليه الفوق ديالو غير شويش باش تجي الطورطة مقادة و نسقيوه بالسيرو لي حضرتو من قبل ب 2 كيسان صغار سكر و كاس ماء و قطرات من نكهة البرتقال , و نفرغو الموس من فوق الكيك ندخلو الطورطة لثلاجة و نخليوها الليل كلو .
في الغد ليه وجدت الكناش .
مقادير الكناش:
100 غ قشدة طرية
100 غ شكلاط
20 غ زبدة
9 ـ ناخدو كسرونة و نديرو فيها الكريمة او نوضعوها من فوق النار حتى تبدا بالغليان من بعد نزولوها ونضيفو ليها الشكلاط كخلطو مزيان حتى يذوب الشكلاط ونضيفو له الزبدة .
10 ـ من بعدما شدات الطورطة راسها نفرغو من فوق منها الكناش نصبوه من فوق معلقة ثم الى طورطة نرجعو ندخلوها اثلاجة حتى تقبط راسها مزيان و بالف صحة و عافية .
نخليكم مع الصور.
على فكرة منين بغيت نبدا نمونطي فطورطة دورت على المول سولفيريزي تفاديا للإلتصاق .
صراحة انا عمري خدمت بجيلاتين بودرة و خفت الموس ماتماسكش مزيان لهاذا فالغد ليه دخلت الطورطة لمجمد 2 ساعات و جبدتها قبل تقديم ب نصف ساعة .
نصيحة : منين تبغيو تقطعو الطورطة لازم سكين يكون ماضي و ديروه فماء بارد و ماتمسحوهش بزاف خليوه شويش مندي و نزلو نزلة وحدة ماتديوش و تجيبو فسكين , وهادشي ماكان .
نتمنى نكون ما طولتش عليكم هو فعلا الشرح بزاف و كتبان صعيبة انما هي ساهلة غير كتبداي بالخطوة الاولى من بعد كلشي كيسهال و على فكرة مذاقها كيجي روعة مانعاودلكمش على مذاق الشكلاط مع البرتقال شي حاجة رائعة.
و بالصحة و الراحة.
