برنامجي الاسبوعي والشهري لتنظيف البيت

برنامجي الاسبوعي والشهري لتنظيف البيت.

برنامجي, الاسبوعي,الشهري ,لتنظيف ,البيت,برنامج الاسبوعي لتنظيف البيت,برنامج شهري لتنظيف البيت,برنامجي الاسبوعي والشهري لتنظيف البيت,barnamaji al osbou3i li tandif el bait,barnamaj, tandif el bait,barnamaj 3inaya bi bachra dohniya,برنامج تنظيف البيت,برنامج تنظيف البيت,molat dar,molatdar,moulat dar,moulatdar,moulatdare,lalamolatdar,barnamaj tandif dar,al nahafa ,al rda3a ,al sadafiya, al3ab tandif 2016, al3ada al siria ,al3ada asiriya ,baghrir ,baghrir, lala moulati, baisar, bakara, banat, barnamaj lala moulati ,daftar, cha3r, dal3a, dala ,dalibour ,dam lhayd, dar assafaa ,dardak, fanid dardak,al maramia, al mihbal, al3ab tandif asnan, al3ada seria, al3ada siria video,bariya, barnamaj 3aynak mizanak, barrada, bas, basma, basma chhiwat, jadid maw9i3 , jadid molat dar, jadid molatdar,jadid mysite

برنامج تنظيف البيت

الاسبوعي :

الاثنين:
الصباح كانمسح الثلاجة ونبدل إزور بيوت النعاس ونطوي الماريوات ديالهم وبالليل كانخرج الصابون من السلال (انا كانحط سلة في الكوزينة وسلة في كلوار طابق بيوت النعاس وسلة قرب ماكينة الصابون) ونحطو في سلة اللي قرب ماكينة الصابون ونرجع السلال بلاصتهم.

الثلاثاء :
صباح كانفرز لحوايج النقاية نحطهم في الماكينة اتوماتيك واللي مسخين نصبنهم بالعادية كاتخذ مني هذ العملية ساعة ونصف حتى ساعتين بالنشير وجميع الماكينة ومسحها ونغسل السطولة ونرجعهم بلاصتهم ونجفف مكان الصابون ونهبط.
عشية كانهبط الصابون من بعد مانطويه في السطاح وحوايج المصلوح كانصلحهم في بيت الصابون فالسطاح.
كانجمع مقابط الصابون فسطيلة ديالهم ونسدها ونرجعها بلاصتها ونبدى نستف ونرجع لحوايج من السطاح لبلاصتهم
فوطات حمام السطاح
وزيوف وسرابت كوزينة السطاح
وعندي واحد لبلاصة خاصة في بيت الصابون كانحط فيها فراشات الحمامات وريزرف فوطات السطاح وبعض الزيوف اللي كانرgهم من لحوايج لقدام ونحتفظ بيهم لمسيح النحاس وبحال لامينيو ولا شي حاجة بحال هذ الغراض

وكنرجع فوطات الحمام لصيكان الحمام (كل واحد دايرة ليه صاك وتروس فيها كيسات الحمام مشطة حكاكة لgدام شامبو صابون الحجرة صابون الريحة جل دوش باط ديال صابون البلدي صابون سنان ماكينة حسانة جديدة كل اسبوع لاتروس ديالي وديال بنتي فيها مقبط ديال الشعر،
ولنا انا وبنتي 4 سطولة كبار كل وحدة 2 فلون نفس لون الفراشة والغراف والصندالة ديال الميكة خاصين للحمام) وهكا كل واحد عارف صاكو وموجود في اي وقت ودايرة صاك زيادة على حسب الضياف اللي يطولو باش يمشو للحمام.

ونهبط لبيوت النعاس ندخل حوايج كل واحد لماريوه ونحط ايزور النعاس في بيت لفراش.
ومن بعد نهبط لصالات نحط فوطات تحت الفاسكي ديال قاع الدار
ونحط فوطات حمام الضياف وفوطات الحمام اللي مع الصالات وكانستعملوه اكثر شي
وندخل السرابت وزيوف وشيفونات وفرشات الكوزينة وgرارص الخبز لمجورة بلاصتهم ونابات الطوابل ونطلع نرجع سلال لحوايج لبيت الصابون ونهبط.

الاربعاء:
كانمشي نجيب اي حاجة خاصة لدار من مواد تنظيف اعشاب بقوليات رز دقيق …الخ
(لهذا الغرض كانحط واحد المذكرة في الكوزينة وكل ماشفت شي حاجة خاصة كانسجلها فيها ملي نبغي نمشي لسوق كانقطع غير الورقة باش هذيك المذكرة تبقى دائما بلاصتها

الخميس:
كانسيق الدار ولهذ الغراض كانشد واحد السيدة من سنين وهيا معايا كاتجيني 4 مرات فالشهر تسيق معايا الدار ونمسحو بلاكارات الكوزينة ومرايات الحمامات.(سيمانة كلشي يتسيق وسمانة بيوت النعاس كانكتفي بتجفافهم)
كانخمل بيت الخزين وهذ العملية فيها فرز المواد حسب التاريخ(هذا بيت كانحط فيه السلعة وفيه الكونجيلاتور والدقيق والمشروبات من ماء ومونادا وغيرو ومواد التنظيف لاني بعيدة من السوق)

الجمعة :
راحة من التخمال

السيت :
الصباح كانخمل بيت لخزين هذ البيت فيه المواد الغدائية والكونجيلاتور والدقيق والمشروبات لاني بعيدة من السوق واصلا متعودة نشري مقدية شهرين واكثر ومواد التنظيف وعملية التنظيف ماتشد مني بزاف لانو اصلا صغير وكانفرز التاريخ ديال المواد ونقدم اللي تاريخها قرب ينتهي
ومن بعد لغداء الاهتمام بالجسم والذهاب للحمام وتكسيلة فاعلة تاركة

الاحد:
راحة ونوم طويل خاااااااااارج التغطية احيانا حتى ل12 ديال النهار حسب البرنامج الى فيه شي خرجة كانفيق مع 10 ولا 11.
البرنامج الشهري

الاثنين الاول من كل شهر :
كانجيب واحد السيدة حادقة وخدمتها من داك الشي كاتعجن لي لمسمن والملوي والرزيزة بالليل قبل ننعس كانديرهم فالميكات وندخلهم للمجمد.(انا بصراحة ماكنعرف ندير الملوي ولا الرزيزة جربت شحال من خطرة ندير الملوي ماصدق لي اما الرزيزة ماعمرني زعمت عليها)

الثلاثاء الاول من كل شهرين :
كاتعجن لبينيي والبيتزات الصغار (هذو الان كانديرهم بنفسي ولكن فاش كان راجلي عايش كانت هذ السيدة كاتتكلف بكل المعجنات لاني مانلقى الوقت)

الثلاثاء الثانية من كل شهرين :
كاتصاوبلي البسطيلات الصغار ولكبار والسيgار حوت وداجاج وبيبي ( الان كانصاوبهم بنفسي)

الخميس من كل شهر :
كانخرجو فراش الصالات يتشمس وتسيق كل الدار

ولامينيو والنحاس وصابون لفراش والزرابي حسب الظروف الى بانو توسخو كاندير اسبوع كامل نشد السيدة اللي كاتساعدني وايدي بيدها مرة كايكون كل3شهور ومرة شهرين ومرة اكثر

وكل شهرين:
نهار كانصاوب العصير الاقتصادي (ديال الليمون بحدوو ديال الليمون مع انواع الفواكه وكانصاوب ديال الحامض مع النعناع بحدو والحامض بحدو وهذا كايشد لي اليد مرات حتى 7 ولا ال8 ديال الليل لاني كانصاوب كمية تديني شهرين وندخلو للمجمد)
ونهار كانشري كمية كبيرة ديال المعدنوس ونغسلو ونقطعو بالماكينة وندخلو للمجمد (انا ماكنديرش القزبور فالاكل ديالي)
ونهار ماندير اللوبية والباربة وخيزو واللفت والجلبانة وغيرها من الخضر فالمجمد
ونهر كاندير الثومة مع المعدنوس ونديرهم في مكعبات الثلج ونجمدهم ومن بعد نخرجهم ونجمعهم في بلاستيكة والى المجمد وفين ماحتجت ليهم نجبدهم

ونهار نجيب الدجاج ونغسلو ونشرملو والى المجمد
وهكا كل شهر عندي شغل ديال المجمد مرة كفتة مرة لحم يتقطع ويتفرق فلبلاستيكات ..الخ

و مولات المعجنات كانجيبها غير قبل رمضان وباقي السنة انا كانصاوب لمسمن والكريب والكيكة والالبيتزات والبسطيلات الصغار لكبار ماكنصاوبهمش غير الى جاوني الضياف

والحلويات ماكنديرهمش دائما والى حتجت لكمية كبيرة كانشريها من عند واحد السيدة كاتصاوبها غزاالة لاني انا ماعنديش مع الحلويات.

و هذا مكان إن شاء مزال غنحط برنامجي للأكل…. و لكن بشرط …

كل وحدة تكتب تعليق بالنسبة للأخوات لي بغاوه نحطو ليهم….و شكرا.