موقع مجلة مولاة الدار لكل ما يهم المرأة العربية molatdar.ma
يقدم لك سيدتي:
فطائر مالحين بحشوات مختلفة
من الاخت lilas جزاها الله عنا كل خير
ليوم درت هاد فطائر لبعدا أنا كنحماق عليهم ونتمنى إلى جربتهم حتى نتمى يعجبكم
مقادير فطائر مالحين بحشوات مختلفة
بنسبة للعجين
3 كيسان دقيق كل كاس يهز 180g
نص كاس دانون طبيعي
ملح
4 معالق زيت
معلقة خميرة د الحلوة
معلقة كبيرة خميرة حبوب
معلقة سكر
طريقة نحضير فطائر مالحين بحشوات مختلفة
كنخلط خميرة حبوب مع سكر و-3 معالق ما دافي ونغطيه ونخليه يخمر
ملي يطلع الخليط نزيد على باقي المقادير ونعجنو بالماء
كتجي رخوة
نغطيها ونخليها تخمر
بنسبة للحشوة ممكن تستعملو لي بغيتو
أنا ليوم ستعملت 4 حشوات من إختياري وشكلت عجينة على 4 أشكال
و نتومة لكم الإختيار
الحشوة الأولى
شحرت كفتة مع بصلة زيت زيتون و عطرية وربيع وزدت عليها زيتون أسود مطحون
وطريقة الحشوة
كنقطع العجين كويرات ونغطسهوم في زيت ونستفهم ف طاوة
من بعد نضغط عليهم من لوسط على هاد شكل ونتقبهم بالفرشط
نعمرهم وندير زعتر وندهنهم بالبيض
ونرش حبات البركة أو ليبغيتو
ملي طابت درت عليها فروماج محكوك
الحشوة التانية
شحرت السبانخ مع بصلة
ملح بزار ربيع وزدت فروماج كريمي
طريقة الحشوة
قطعت العجين دوائر
حطيت الحشو
وجمعتها من جناب على هاد شكل
دهنته بالبيض
ملي طابت درت عليها فروماج محكوك
الحشوة التالتة
شحرت بصلة مع فلفلة وزيت زيتون
زدت الطون ملح بزار ربيع زيتون خضر مطحون
الطريقة
قطعت العجين مربعات دهنتهم ف الفروماج ممكن دهنو بالميونيز
وحطيت العمارة وفروماج محكوك وجمعتها على شكل حربل
دهنتها بالبيض ورشيت زنجلان
الحشوة الرابعة
قطعت العجين دوائر
حطيت فرماج كريمي ورشيت بالزعتر وجمعتها على شكل خبيزة
بالبيض
ملي طابت درت عليها فروماج محكوك
هاهم وجدين بصحة والراحة
