الى بقات خبزة شايطة تنعمل بيها الفيسة العميا او التردة كتجي غزالة
ممكن نعملو شرائح ونعملو في البيض مخلط مع الحليب ونقليه في الزيت
كيجي بحال البينيي غزال
قشور الكروفيت مكنرميهمش كنيبسهم في الفرن وتنطحنهم وكتبقى عندي بنة الحوت فاش مبغيت نستعلها كنكهة
قشور اللوز حتى هما كنيبسهم وكنطحنهم ونعملهم في اي حلوة بغيت نسمهاباللوز
الراس ديال الحوت مني كنقي الحوت مكنرميش الريوس ديال الحوت كنعملهم في طنجرة مع 1جزرة وحدة وحدة من الحاجة يعني من الخض شوية الكرافس والربيه حبوب ابزار وتنعملهم يطيبو فوق البوطة حتى يطلق نسمة الحوت مزيان نخليه يبردونعملو في مربعات الثلج وندخلهم المجمد ونبقا نسم بيهم اي حاجة فيها الحوت
الكيس ديال الحمام مني كيصبح غير صالح كنحك بيه اواني الجيكس كيخرجهم كيشعلوا
بقاياصابون الطاوس ولا الحجرة كنزيد عليهم 2لتر ماء سخون وكنخليه ليلة كاملة فالصباح كنزيد عليه رابعة اومو ونصف طاسة اوني وكيعطيني4 او5 طاسات من عجين صالح لغسيل المواعن
نضيف ملعقة عصير الحامض مع الروز باش يجي بيض لكل زلافة روز نضيف معلقة من العصير
الى تحرقتلك الطنجرة نديروا الما و الملح فالطنجرة المحروقة 15د و نغسلوها او
2م بيكاربونات الصودا مع الما سخون نخليهم مدة و نغسل
لازالة رائحة العطرية من الطحانة ندير فيها قطع الخبز المحمص و نطحنوه فيها كيمتص الروائح
باش تهناي من ريحة البيض
استعملي دائما بعض قطرات عصير الحامض مع البيض في اي وصفة كانت سواء حلوى او معجنات او طرطات لان زفورية البيض كاتخصر النكهة
ملي كتبغي تصايبي بسيطلات اصغار ومكتوفريش على المول ديالهم ولهادا استعملي بكية الفرماج مدوبل خاوية ديال لفاش كيرى كتوضعي فيها الوريقات وعاد كتعمريهم وملي تكملي تسدي البسيطلة قلبيها على الوجه الي التحت وبهادا كيجيوا البسيطلات مقادين وبنفس القياس احسن ماكتعمريهم غير هاكاك وكتكري العملية حتى كتسالي
باش الكلمار ما يطرطقش في القلي
قطعي الكلمار دوائر و رقديه في الحليب مع رأس ملعقة صغيرة من البيكاربونات الصود و مليحة و ابزار.
ملي تبغي تقليه اسقطريه و ديريه في الدقيق عاد ديريه في زيت ساخن .حتى و حدة ما تهز الرأس .
الا درنا كيك بالشكلاط نغبر المول بعد ما دهناه بالشكلاط غبرة باش منى نقلبها ما يجيش فيها الطحين ابيض وحتى بالنسبة لاى حلوة فيها كوبيل حتى هى نغبر الطابلة فين نطلقها بكوبيل
مين كنديرو كيكة بدانون فالغالب ماكيجيشي المذاق اديالو باين الى ابغيت يغلب مداق دانون فالكيكة خلطي المقادير العادية اديال كيكة ومين اتخلطي بالطحين ضيفي دانون هو الاخير و تشوفي الفرق
باش الكيس ديال الحمام يبقى احرش
الكيس أو الخرقة ديال الحمام دغية دغية كيرطاب و ما كيبقاش يحك مزيان ، كيولي حافي
إيوة إذا بغيتيه يبقى مدة طويلة حرش شوية و كيقضي الغرض بلا ما تشري كل ساعة الجديد ملي ترجعي
من الحمام صبنيه بالتيد إيه التيد و تشوفي كيف يولي ثم شلليه و انشريه ينشف و ردي علي الخبار.
فتات الحلوى لي بقات من بعد العيد ههههه
انا شخصيا كنطحنهم ونخلطهم مع الشكلاط مدوب او نستلي مع اضافة بعض المكسرات ونعملهم في كويغطات الحلوى
او نطحنهم ونعملهم كقاعدة لتشزكيك عوض البسكوي
تومة الى كانت كتيرة نديروها فى بلاستيك ونخبيوها فى المجمد كتبقى طول العام
منين تلصق لينا الحلوة فاللاطة ديال الفران نديرو اللاطة فوق البوطة على نار مهيلة بزاف بحال الشمعة و منين تبدى تسخن نزولوها بشي حاجة غدي تقلع من اللاطة بسهولة
منين تشري الكيس ديال الطحين هاداك الخيط لتتكون مخيطة به زوليه وغسليه مزيان بجافيل والمسحوق ونشفيه وخزنيه
ومنين تبغي اطيبي الدجاج كتفيه بيه او تعملي اللحم ملفوف عمليه مكان خيط المطبخ
في بعض المرات متيكونشي متوفر عندنا خيط المطبخ تيكون بديل ليلو
-ومنين تغسلي الربيع او النعناع في شي باسينة تيكون الماء كثير مترميهشي تقدري تسقي بيه النباتات ديالك وهانتي وفرتي في الماء
زيت قلي البطاطة ندهنو بيه الاطفال مكان الحفاظة تيمنع الطياب
الفقاص لتفتت ليك طحنيه جيدا وجمعيه بشويش دالزبدة مدوبة وعمليه كقاعدة لتشيزكيك
المسمن لشاط ليك طروفا وقصاح شويش بخريه في الكسكاس حتى يطرى وعمليلو لاسوس دالرفيسة وسقيه واكلة هنية
لعضومة دالتمر نجمعوهم ونعملوهم في الفريكو
ومنين نبغيو نطيبو الكرعين او اللحم قاصح متيبغيشي يطيب او اللوبية رميو معاهم واحد لعضيم تيفتيهم
الزبدة البلدية لرجعات فيها هاداك المداق ديال المرورة منين تطول وخا في الثلاجة مرميوهاشي
نملحوها بالزعتر وزعيترة وازير وورقة الرند وعود سكين اجبير والملح الحية
نصبو على هاد المواد الماء طايب ونخليه حتة يبرد مزيان ونملحوها بيه وها السمن ممتاز عندنا
قشوروعضومة التفاح مترميهمشي
عمليهم في قرعة وصنعي منهم خل التفاح
الفوطة منين تقدام ومتبقايشي تستعمليها مترميهاش عمليها جفاف كتخلي الارضية تتشعل
لبقا ليلك البارزيان /الباكيط/ قطعيه دوائر مائلة وعمليلو لعمارة دالبيتزا ورشي عليه الفرماج محكوك ودخليه الفرن غير يدوب الفرماج
واقتراح تاني عمليه في المجمد حتى يقصاح وحكيه وهاهي عندك لاشابلير
قشور البرتقال او الحامض
قبل ماتعصريهم زولي هاديه القشرة الرقيقة ديالهم بموس البطاطا وعمليها تنشف مزيان في الفرن مطفي وطحنيهم وعمليهم في قراعي وخزنيهم وبقاي تستعمليهم كمنسم للحلويات او الكيك او حسب الرغبة ديالك بدل الفاني
واللب عسليه اي عمليه فواكه معسلة
فكرة اخرى لقشور البرتقال والحامض انا تنعنلها دائما كستعمال يومي معمرني ترميهم شحلا ماكانت الكمية
تتغلي هادوه القشور في الماء حتى تيطلقو وهاداك المحلول تتجفي بيه تيخلي الارضية نقية ومعقمة وفي نفس الوقت هاديك الريحة لتيطلق عند الغليان تتعطر البيت
الحليب لخسر ليك زيدي عليه قطرات من الخل او الحامض وقبصة ملح وخليه حتى يبرد وصفيه في شي ثوب رقيق وهاهو عند الجبن البلدي بصحتك
دائما مع الحليب في بعض المرات تنفيضوه في كاسرونة دالعدن وتيشيط اي تيعطي ريحة الشياط في هاد الحالة نخويوه في اناء اخر و نفزكو فوطة نقية ونعصروها من الماء ونغديوه بها ونبقاو نعاودو العملية حتى تتزول الريحة دالشياط
لقدر الله وغفلنا على الاكل فوق النار وحرق لينا ما نزيدوشي عليه الماء ابدا
نزولو برفق داكشي ليفالطنجرة ونعملوه في صحن وللسق في القاع وتحرق نخليوه وناخدو طنجرة اخرى ونعملو فها شويش دالزيت وبصلة مقطعة جوانح رقيقة ونخليوها حتى تنزل عاد نزيدو عليها داكشي لكنا تنطيبو نعملو اللحم ثم الخضرة
ونزيدو عليه شويش ديال العطرية والقوام والماء و تكمل طياب عادي
لبقا ليك الارز او ليباط طايبين عمليهم كراتان
لكانوطايبين بلاصوص عمليهم في المول وصبي فوقهم البشاميل ورشي الجبن محكوك ودخليهن للفرن يتحمرو تيجي مداق رائع
ولكانو بالحليب زيدي عليهم شويش دالبشاميل وخلطي كلشي ورشي الجبن ودخليهم الفرن او عملي طبقات طبقة معجنات وطبقة مثلا كفتة بالصوص وفي الاخير عملي البيشاميل والجبن ودخليهم تكراتيناو وبالصحة
اتفل او لقامة ديال الشاي نغسلو بها القراعي لتيكون فيهم الزيت تيزول بسهولة ومتتبقاشي فيهم الريحة دالزيت
قشور الخيار عمليهم في المكان دالنمل تيهرب منو
الشطة صوص منين تقدام مسحي بيها رؤوس لعوينات الكويزينيار
قشور البنان /الموز/ مسحي بيهم وجهك كدلك مسحي بيهم الحقائب و الاحدية الجلدية
الرماد دالفحم حكي بيه الاواني النحاسية تيرجعهم تيشعلو وعمليه كدلك في لمحبق دالغرس كسماد
عندك خيار كتير و خايفة ليخسر ليك تجريبتي المتواضعة لتنعمل اي خضرة متتصبرشي بحال الكورجيط لخيار الربيع ……..
تتعمليهم في توب مقطن دالمطبخ وتويهم فيه وتعمليهم في الثلاجة تيصبرو مدة طويلة
المقلة دالبغرير لمبقاتشي تطلع البغرير او دوزتي فيها ليدام مثلا طيبتي فيها ليكريب
عملي فيها الحليب ومنين يغلى زيدي عيه شويش دالنخالة وحركي مزيان حتى تشرب الحليب بالكامل وتنشف تترجع جديدة
عندك كيوي بالزايد قشريه وقطعيه ورشي عليه شويش دالسكر وعمليه في اكياس صحية وعمليه في المجمد
لعندك اي حليب مرطب مبقيتيشي تتستعمليه او نتهت الصلاحية ديالو مسحي بيه اللوح دالبلاكار او اي خشب عندك
الطجين لتشقق عمري مكان الشق باصفر البيض تيلتحم الشق
فرشات الاسنان لقدامت غسلس بيها المجوهات نضفي بيها الكلافيي نضفي بيها اليد دالثلاجة وكدالك الجلدة ديالهانضفي بيها حافات الروبيني د لافابو
بقايا الكيك
في كؤوس لتنقدمو فيهم المثلجات عملي قاعدة من التحت ديال الكيك وسقيها بشيش دالسيرو ثم طبقة من الفواهك مقطعة ثم طبقة كريمة وهكدا حتى النهاية وزيني بالكريم فريش ورشي اللوز او الفيرميسال وقدميه بارد
البخاخ ديال الصابون الخاص بالزجاج والمرايات منين يتسال حتافضي بيه
-عملي فيه الماء والشبة مطحونة ورشي بيه الركاني تيمنع تكون العنكبوت /رتيلة/
-وعملي فيه جافيل ورشي بيه الحيوط والسقف ليفيهن لغمال ومتحكي ماوالو منين غادي ينشف مغاديشي يبقى الاثر دالغمولة نهائيا
-والبخاخ الصحي يعني متكونشي فيه مواد كيماوية عملي فيه الحليب ورشي بيه المعجنات لمتيدهنوشي بالبيض
الخضرة للوات عمليها في ماء مثلج دقائق قليلة وراها غادي تجمع راسها
-صوص فينيكريت لكرت ليها الخل وجاتنا زايدة في الحموضة نضيفو ليها شويش دالسكر على حساب الكمية لعامليين تينقص من حدة الحموضة
-العصير لعملناه حلو زايد نضيفو لو عصير الحامض تينقص من الحلاوة دالسكر
ليبات لقدامو نعملو فيهم النباتات والازهارالعطرية /خزامى-قرنفل-ورد -نقطة زيت عطري في قطعة قطن /
وعمليهم في بلاكار الملابس وفي ركاني الصالون وفي اي ركن في البيت والتقاشر دالقطن مسحي بيهم الغبرة
لستعملتي بياض البيض وبقى ليك الاصفر عمليه في كاس او زلافة وغطيه بالماء وغطيه ببابييي فيلم وخليه في الثلاجة تيبقى صالح لمدة 3 ايام
صابلي منين تبقى لينا نطحنوها ونعملوها قاعدة ليتشيزكيك
او نزيدو عليها من بعد مانطحنوها الكوك و الفواكه الجافة /لوز -زبيب- كركاع -كاوكاو ……/
ونجمعو الكل بالحليب المركز ونكورو ونعملوهم في الشكلاط مدوب ثم نفندو في الكوك او الفيرميسيلوتقدميهم في كواغك الحلوة
-ويمكن تمعي الكل بالشكلاط وتحربليهم بحال الفقاص دهنيهم بالشكلاط وتخليهم حتى يجمد عليهم الشكلاط وتقطعيم مربعات او على شكل فقاص وتقدميهم في الكواغط دالحلوة
نفس الشيء بالنسبة لحلويات اللوز بحال /الملوزة وما شابه……./
نضيفو عليهم من بعد الطحن الكوك والفواكه ليعندنا مهرمشة ونجمعو بالشكلاط ابيض او الحليب المركز ليمتيحبشي الحلاو بزايد يعمل الحليب مركز مسوس وتكور وتفند في اللوز فيلي وتقدم في كواغط
نصائح تتفيد في الدار،موقع جاراتي,maw9i3 mysite,Lalamoulati.ma,molatdar.ma.com،مجلة طباخة،موقع مجلة طباخة،موقع طباخة،tbakha،tbbakha 2015،مجلة طباخة 2015،مجلة طباخة 2014 ،Lala moulati،Lala Moulati – Site Officiel،Halawiyat Lala Moulati،لالة مولاتي.ما،لالة مولاتي.ما 2015،لالة مولاتي.ما 2014,www.lalamoulati.net،www.lalamoulati.net 2015، lalla moulati,www.lala-moulati.ma،www.lala-moulati.ma 2015،www.lala-moulati.ma 2014، moulati lala, lalamoulati.me, Sanae Kinani, femme, Cuisine, lala moulati, lalamoulati, للا مولاتي ،maw9i3 raihana kamal,ajichouf.com،molat dar,mysite,wasfat ,mamaأم سيرين,الحادكات,اكلة بلادي,بسومة,بيت ضحى،الشيف نادية,ثليجة,رشيدة أمهاوش،رشيدة أمهاوش 2014،رشيدة أمهاوش 2015،حلوياتي,ريحانة كمال,سيدتي,لالة سناء,لالة فاطمة,لالة مولاتي,لاله سوما,ما سيت,منتدى ستارتايمز,موقع ,mysite,موقع أم سيرين,موقع الحادكات,موقع بسومة,موقع بيت ضحى,موقع ثليجة,موقع حلوياتي,موقع ريحانة كمال,موقع ستار تايمز,موقع سيدتي,موقع لالة سناء,موقع لالة فاطمة,موقع لالة مولاتي,موقع لاله سوما,موقع موقعي,موقع مولاة الدار،هدى اليداري,موقع نسوة,موقع وصفة ماما,موقعي,مولاة الدار,نسوة,منوعات جاراتي,molatdar،yalalla.com,moulatdar,laila.ma،مجلة ليلى،lala moulati,anaqamaghribia,jaratii,basma,basma01,sayidaty,lalasana,startimes,oklatbladi,maghribiya3ala9a jinsiya bayna zawjayn,3ilaj lbahak,3ilaj tasa9ot cha3r,3rada maghribiya,7lwa maghribia,9hab torkya,a3rad fa9r dam,achral yadawiya manziliya,ad3iya zawaj,ajmal hayat zawjiya,akbir sadr,akheir marahil lhaml,al janin fi chahr 3,al mihbal,al3ab tandif asnan,alaka hamima,alhaml fi chahr 3,aljins mina dabr,almihbal,amrad almosahiba li fatrat alhamal,anwa3 mawa9i3 sixs,anwar lmalabs adakhilia lmaraa,arab idol2014 2015,arokya litaysir zawaj,atadawi bila3chab,awda3 jinsiya fifatrat lhaml,brit nrlad,cha3r l3arous,cha3r tawil wasfa,chad lmoakhira,chad mihbal,chad sadr,
