سينابون والشنيك وبتي بان بعجينة واحدة ،سينابون ،الشنيك، بتي بان ،بعجينة واحدة ،سينابون والشنيك وبتي بان بعجينة واحدة 2014،2014،
شهيوات رمضان،حلويات رمضان،شهيوات رمضان 2014،شهيوات،شهيوات 2014،وصفات رمضان 2014،وصفات رمضان،شهيوات ساهلين
السلام عليكم و رحمة الله
موقع مجلة مولاة الدار لكل ما يهم المرأة العربية molatdar.ma
يقدم لك سيدتي : سينابون والشنيك وبتي بان بعجينة واحدة .
هاد المقادير والطريقة كنعمل بيهم البريوش كنزيد بيضة وجنجلان والنافع
وكنعمل كرواصة وبتي بان .
المقادير :
كاس الحليب + كاس مخلط الزيت والزبدة + كاس الما + كاس الدقيق + نص كاس زايد شوية السكر + شوية الملح و 2 مغارف عاديين الخميرة د الخبز و ساشي خميرة الحلوة وبيضة مرة كنعملها مرة لا .
الكاس الي كنعبر به كاس عادي ديال اتاي يعني صغير شوية .
الطريقة:
كنطحن هاد الشي ف مولينكس مزيان شي 5 دقايق ونكبهم فين غادي نعجن ونزيد الدقيق شوية بشوية حتى تتجمع وما تبقاش تتلصق وانا كندلك ممكن شي 4 كؤوس الدقيق على حسب المهم حتى تتجمع .
نخليوها تخمر ومن بعد نعمل منها كويرات 6 ونعملهم فحال الرغيفات مربع وانا كنعمل الزبدة غادي نحتاجو ف كلشي 100 حتى ل 150 غرام الزبدة كنخليها مدوبة شوية فحال بوماد ماشي ساءلة .
وملي نكمل المربعات نبدا نطلق المربع الاول شوية وندهن فوقو شوية د الزبدة ونطلق المربع التاني ونعملو من فوق منه حتى نسالي جمبع المربعات بلا ما نعمل الزبدة من فوق المربع الاخير ونعملهم ف التلاجة شي نص ساعة يقبطو راسم ونجبدهم ونطلق العجين فوق السطح الي عنخدم فيه على شكل مستطيل وندهن بكريم باتسيير نكونو موجدينها من قبل وتكون بردات اما نعمل معها الوز مطحون او نعمل الزبيب ونلف القضيب وندخلو الفريكو ساعة او ساعة لاروب ونجبدو ونقطعو دواور ونعملهم ف طاوة يخمرو ساعتين وندهنهم بالبيض وندخلهم ف الفران يكون سخون على درجة متوسطة حتى يتنفخو ويطلعو عاد نحني الفرن باش يطيبو مزيان ونحمرهم من فوق .
شنيك
هادا كريم باتسيير واللوز مطحون
دون توريق
سينابون جربوه لديييييييد انا عجبني الله يعطي الصحة لمولاتو لي خديتو منها ولكن مقاديرها مختلفة شوية.
نفس العجين استعملت نخليواه حتى يخمر
كنطلقوه العجين وكندهنو فوقها الزبدة وندردر القرفة شوية وشوية الكاكاو او شكلاط بدرة الي كاين والسكر الاسمر او الابيض ونليوه فحال شنيك ونقطعو مقدار 5 سنتيم ونعملوه ف القوالب ديال الكيك ونخليه يخمر .
بتي بان ممكن تعملها بشكل التوريق الي سباق نزلتها فحال شنيك او بلا توريق غير ندهنو الزبدة خصوصا ادا كنا مزروبين ونعملو الشكلاط ونلويو اما مربع او نقطعوه متلتات او ممكن على طريقة الرغايف نعملو المربع او المتلت.
على شكل الرغايف
وبالصحة و الراحة
