موضوع للأخت salomi:
رمضان مبارك سعيد علينا وعليكم وعلى جميع ل أمة ل إسلامية يا رب
هادو بعض تحضيرات لي وجدت باش نتعاون شوية فتوجد لفطؤر وخصوصا إلا جاو عندي ضيأف وأنا يدي بووحدي وعندي لبنية صغيرة
جبت ماطيشأ غسلتها مزيان وقطرثها ودرثا فكوكووت صديت عليها بلا ما راها كاتلاق لما بزاف هي وخليتها طب حتى نشفت من لما
وطحنثها مزيان كاتجي خا ترة باش تصلح حتى فلبيزا ولا فحوايج أخرين
حمص فزجتو وقترتو ودرتو فميكات صغار كنت كيندرو فميكا وحدة ونبقى نجبد قياسي ساعة كنت كنتعدب مكثحل لي ديك ميكا هي بلكشايف حتى كايجمدولي يدي ههه وكاتشد لي لبلاسا جيت أنا فرقته
أنا مكنفركوش كانخليه هاكاك مكايعجبنيش مفرك
لقسبور ولمعدنوس ولكرافس غسلثوم ونقيثوم وجردثم و إلى لمجمد
لفريز غسلتو وجمدتو عاد درتو فلميكات
لباباي كذلك غسلتو ونقيتو ودرت طراف وجمدتو عاد درته فميكات
كنت كندر حتى لتشين ولحامض معصرين فلفريجو ساعة سمعت بلي ماخصهومش يدأروا معصرين إوا درة بنقص
عجنت بيتزات صغار ودرثم فريجو باش إلى جوني ضيأف نتعاون هي نعمر وينفعو مع ضيأ ف
لغفلا ههه
مقادير لبيتزا هاد لعجينا هي لمعتمدة عندي فلبيزا كاتجي روعة هشيشة ورطبة ومجرملا
معلقة كبيرة دلخميرة معلقة دسنيدا وكاس دلما دافي تخلطيهم وتخليهم يتفاعلو
رابعة دقيق نص كاس د زيت ملح إبزار زعتر تبسسيهم وتخلطيهم بديك لخليط دلخميرة وتعجن وتزيدي لما إلى حتاجيتيه دلكه مزيان وتخليها مرخوفا منين تخمر وتجي تجرسيها أتجارسيها فسميدا
لكيش حتى هو درة ميني كيش وطيبتهم و إلى لمجمد
مقادير لعجينا لمرملا 250 ج دقيق 125 زبدة ملح بيضا شوية دلما أو حليب أنا هنا دوبلت لمقادير على ربعة
درة جوج كبار
عجنت بطبوط صغير حتى هو درة شكل مدور وشكل مربع كيجي زوين فلمنظر
