هاد الوصفة مجربة من الأخت أم حفصة جزاها الله خيرا.
ندخل مباشرة الموضوع واحد صاحبتي قالت ليها بنت عمتها من اوريكة على ماسك و قالت لي تنعجز الا بغيت ندير شي حاجة و انا نقول ليها هني راسك نصايبو و نجيبو ليك
ايوا درتو قسمتو على ثلاثة ثلث ليها و ثلث خلليتو لي و ثلث عطيتو لبنت خالي تتجي تعاوني. انا بديتو الاسبوع اللي فايت درتو غير شي جوج مرات صاحبتي دارتو مرة و عجزات اوا هاد بنت خالي جات عندي ش 5 ايام هادي و الله العظيم حتى تبهرت من وجهها ولا ضاوي و بياض.
سمحو لي على الاطالة .
الوصفة:
اوا الالة تاخدي
2 كيسان حليب ديرهم في كاسرونة
خدي صابونة صغيرة صابونة الكف قسميها على جوج و استعملي غير نصها .
الطريقة:
كتخليهم فوق البوطة حتى يوليو بحال الكريم و نحركو بملعقة ديال الخشب اوا منين يعقاد نخويو فوقو ماء ورد انا و عيني هاد الكمية درت فيها ثلث ديال قرعة الورد مكونة يعني قل من نصف القرعة اوا حركو مزيان فوق العافية و طفيو و وخت يبان ليكم جاري و كبوه في شي طويسة و خليوه يبرد في العشية تلقاوه وللى كريم عاقد اوا الالة بداي تدهني ووجهك و خلليه شي 20 دقيقة و غسلي وجهك و دهنيه بشوية زيت العود و يفضل منين ديريه متخرجيش من وراه حيتاش زيت العود الا خرجتي بيه يسمر ليك الوجه.
تقدري ديريها كثر من مرة في النهار و الطويسة ديريها في الثلاجة شي اربعة ايام و لا خمسة و بدلي تاني.
و الله العظيم غير دوزو اسبوع و ردو علي الخبار …
و دعيو معايا .
