خطوات مصورة لتحضير عجينة السكر لتزيين الكيك،خطوات مصورة لتحضير عجينة السكر، لتزيين الكيك،خطوات مصورة، لتحضير عجينة السكر،تزيين الكيك،طريقة تحضير عجينة السكر،طريقة تحضير عجينة السكر لتزيين الكيك ،طريقة عمل عجينة السكر ،طريقة تحضير عجينة السكر لتزيين الحلويات بالصور،عجينة السكر لتزيين الكيك بالصور،خطوات تحضير عجينة السكر،3ajinat sokar،عجينة السكر 2014،عجينة السكر 2015
السلام عليكم و رحمة الله
موقع مجلة مولاة الدار لكل ما يهم المرأة العربية molatdar.ma
يقدم لك سيدتي : خطوات مصورة لتحضير عجينة السكر لتزيين الكيك.
المقادير:
4 معالق صغار جيلاتين بودرة
4 معالق كبيرة ماء
120 مل من كليكوز او شراب الدرة
1 ملعقة صغيرة من زيت الجليسرين
سكر كلاصي ناعم مغربل مزيان { تقريبا 1كيلو}
ناخدو الجيلاتين نضيفو ليه الماء و نوضعوه في حمام مريم و نحركو حتى يدوب
نضيفو الكليكوز و نحركو ثم الجليسيرين حتى يمتزجو مع بعضهم
نحيدوهم من حمام مريم و مباشرة نبداو نزيدو السكر كلاصي شوية بشوية
نزيدو فالسكر حتى يتكون عندنا خليط لزج
نضيفو السكر مرة اخرى و نخلطو مزيان
ملي تلاحظي الخليط بدا يتجمع كنديروه في العجانة ونبقاو نضيفو السكر شوية شوية ونخدمو العجانة على سرعة متوسطة ثم عالية حتى يتجمع
نبقاو نزيدو شوية شوية حتا نكملو كمية السكر لي عندنا و تتكون عجينة رطبة ما كتلصقش لنا في يدينا.
غلفيها ببلاستيك و احتفظي بها في علبة بلاستيكية مسدودة مزيان, في مكان جاف حتى تحتاجيها.
ملي تبغي تستعمليها غادي تلقايها قاصحة شوية عليها بقاي هزي منها الكية لي تبغي وديرها في الميكرووند لمدة 10 تواني ( ماشي دقائق ) وتشوفيها واش رجعات رطبة وتقدري تخدمي بيها وانت عينك ميزانك لو احتاجيتي تزيدي تسخنيها في الميكرووند زيدي ولكن استعملي الثواني حيث دغيا كذوب
تقدري ضيفي ليها النكهة لي بغيتي ولون لي بغيتي
انا هنا زينت بيها زوج كيكات وحدة قطرها 22 سنتيم
وحدة تانية اصغر منها شوية
صيبت عجينة الجنواز و الكريمة لي درتها الداخل هي كريمة الموسلين زدت عليها برالين اللوز
وغلفت الكيكات من برا بكريمة الزبدة ومن الاحسن تخليها تبرد مزيااان ضروري هاد الخطوة باش عجينة السكر تلصق لينا عليها مزيان
غلفت الكيكة الكبيرة وغلفت الكيكة الصغيرة ودرت شوية كريمة الزبدة في وسط الكيكة الكبيرة وحطيت عليها الكيكة الصغيرة
وبديت نزين
وضروري نستعملو الميزيا ملي نكونو كنطلقو العجينة باش متلصقش لكم
انا هنا عملت حديقة زهور بمناسبة عطلة الربيع .
كنتمى تنال اعجابكم
